Дарагія браты і сёстры, людзі добрай волі!
У радасныя дні Божага Нараджэння ў нашых сэрцах гучаць словы прадвеснікаў Добрай Навіны аб вялікай і неспасцігальнай любові Бога да свайго стварэння: «Нарадзіўся вам сёння ў горадзе Давіда Збаўца, якім ёсць Хрыстус Пан...» (Лк 2, 11). Гэтыя словы ажыўляюць нашую надзею і нагадваюць яшчэ раз пра тое, што Езус Хрыстус, які нарадзіўся ў Бэтлееме, жадае нарадзіцца і ў нашых сэрцах.
Няхай урачыстасць Божага Нараджэння адорыць кожнага з нас моцаю Бога, які прыходзіць да нас у cваім Сыне. Як жа патрабуе сёння гэтай моцы сучасны чалавек, які часта не ўсведамляе сэнсу свайго жыцця і надзеі, які турбуецца толькі пра сваю часовую будучыню. Менавіта Езус праз сваё нараджэнне прыносіць нам сілу, радасць і святло. Няхай струмень ласкаў нованароджанага Збаўцы напоўніць нашыя сэрцы гэтым каштоўным насеннем. Няхай з гэтага насення народзіцца новы чалавек, створаны «паводле Бога ў справядлівасці і святасці праўды» (Эф 4, 24).
Святочнай радасці ў Пану, Ягонага супакою і ласкі жадаю таксама на надыходзячы Новы 2024 Божы год.
біскуп Аляксандр Яшэўскі, S.D.B. Генеральны Вікарый Мінска-Магілёўскай архідыяцэзіі
Расклад Святых Імшаў на Божае Нараджэння Касцёл святога Станіслава (адрас: вул. Камсамольская, 4)
24 снежня Вігілія Божага Нараджэння
22.00 Пастэрка пад кіраўніцтвам біскупа Аляксандра Яшэўскага, SDB
25 снежня Божае Нараджэнне
9.00; 11.00 пад кіраўніцтвам біскупа Аляксандра Яшэўскага, SDB; 18.30
Пасля Святой Імшы на 11:00 тэатралізаване прадстаўленне дзяцей і моладзі на Божае Нараджэнне
16.00 Калядны канцэрт арганнай музыкі Калінікі Мядзведзевай (арган) і Наталлі Мурзінай (флейта)
31 снежня Свята Святой Сям’і
9.00; 11.00 пад кіраўніцтвам Мітрапаліта Мінска-Магілёўскага арцыбіскупа Юзафа Станеўскага з аднаўленнем сужанскіх абяцанняў; 18.30.
