Ватыканскі дыпламат наведае першую біскупскую сталіцу на тэрыторыі сучаснай Беларусі, што калісьці была цэнтрам самай вялікай па плошчы дыяцэзіі ў гісторыі Каталіцкага Касцёла. А 11-й гадзіне нунцый Ёзіч узначаліць цэлебрацыю ўрачыстай святой Імшы ў старадаўняй магілёўскай катэдры Унебаўзяцця Найсвяцейшай Панны Марыі і святога Станіслава.
Нядаўна ўлады перадалі гэтую гістарычную святыню ў бязвыплатнае карыстанне магілёўскім католікам, якія дагэтуль павінны былі плаціць штомесячную арэндную плату.
Адказны за Магілёўскі рэгіён Генеральны вікарый Мінска-Магілёўскай архідыяцэзіі біскуп Аляксандр Яшэўскі запрашае ўсіх вернікаў Магілёўшчыны далучыцца да супольнай малітвы разам з Апостальскім нунцыем Антэ Ёзічам і ў духоўнай еднасці са Святым Айцом.
