Як здаць ЦТ на 98 балаў? Адказвае настаўнік беларускай мовы Юрась Каласоўскі

796
П. ЛЕВАНОВИЧ. Фатаздымкі: facebook.com
Настаўнік, які не толькі вучыць дзяцей, але і сам становіцца на іх месца. Распавядаем пра тое, што раіць Юрась школьнікам і гімназістам, каб тыя паспяхова прайшлі моўныя іспыты.

– Усё, здаецца, проста! – адзначае суразмоўца. – Трэба сістэматычна і мэтанакіравана рыхтавацца, хадзіць на рэпетыцыйнае тэсціраванне, а яшчэ трэба проста імкнуцца як найбольш размаўляць і пісаць па-беларуску, чытаць кнігі на беларускай мове.

Многія скажуць, магчыма, прыкладна так: канечне, ты ж настаўнік беларускай мовы, таму і павінен быў здаваць на 98, а яшчэ лепш на 100! Але я не пераацэньваю свой вынік на ЦТ. Так, набраў столькі балаў, колькі і павінен быў прыкладна набіраць, – выказвае меркаванне Юрась.

На думку Каласоўскага, трывалы падмурак да паспяховай здачы ЦТ ці іншага іспыту па мове – гэта жывая камунікацыя на гэтай мове. «Не бойцеся часцей выкарыстоўваць мову ў размовах, у сацыяльных сетках, больш чытайце па-беларуску – і засвоіць тое ці іншае правіла стане значна прасцей», – раіць настаўнік.

Читайте в прежних выпусках:

Куды бяжыць настаўнік беларускай мовы, або Крыху пазітыва ад Юрася Каласоўскага

ТОП-10 анамальных магілёўскіх вуліц ад настаўніка Юрася Каласоўскага

Дык дзе ж пачынаецца Дубравенка? На гэта пытанне адказвае настаўнік беларускай мовы Юрась Каласоўскі