«У гэтую цяжкую хвіліну я звярнуўся да вернікаў з просьбай аб дапамозе ў аднаўленні будынка, бо сваімі сіламі парафія з гэтым не справіцца. У мяне не было сумневаў, што водгук людзей будзе станоўчым. За гэты тыдзень на рамонт даху магілеўскага касцела было ахвяравана 19 тысяч 928 рублёў», – прыводзіць словы біскупа сайт catholic.by.
Святар таксама падзяліўся інфармацыяй пра сітуацыю на сення і планамі далейшых прац па ліквідацыі наступстваў урагану. «На гэтым тыдні мы забяспечылі накрыцце касцела на зімовы перыяд, паставіўшы часовыя кроквы, а таксама накрылі разбураную частку даху дсп і руберойдам. Яшчэ раз дзякую парафіі ў Будславе за перададзеныя лісты дсп і альпіністам, якія ўвесь тыдзень працавалі на вышыні».
Па словах Аляксандра Яшэўскага, наступны этап — гэта рамонт усяго даху плошчай 260 м2. Аднаўленне пашкоджанай часткі павінен аплаціць уласнік будынка КУП ЖРЭА Ленінскага раёна горада Магілёва, а замену другой часткі, якая складае 130 м2 — магілёўская парафія. Паводле камерцыйнай прапапановы ТАА «Бетонбудрэстаўрацыя» з Магілёва, кошт замены ўсяго даху над уваходам у касцёл будзе складаць 77 тысяч 90 рублёў. Парафія павінна сабраць 38 тысяч 545 рублёў на замену другой часткі.
«Не ведаем колькі ўкладзе ўласнік, таму трэба заўсёды быць гатовымі на большыя выдаткі з боку парафіі, каб наша святыня мела годны выгляд і была захавана ад разбуральных ўздзеянняў», – падкрэсліў Аляксандр Яшэўскі.
